Ұлттық ғылыми медициналық орталыққа Назарбаев Университетінің Медицина мектебінің өкілдері келді. Қонақтарды ҰҒМО Басқарма төрағасы, профессор Абай Байгенжин қабылдады.
Сапар барысында делегация Орталықтың ғылыми-клиникалық әлеуетімен, заманауи диагностика және емдеу технологияларымен, сондай-ақ негізгі бағыттарымен танысты. Олардың қатарында жасушалық технологиялар, жүрек-қан тамырлары хирургиясы, аритмология және регенеративті медицина бар.
Кездесуде медициналық көмектің сапасы мен қауіпсіздігі, ғылыми зерттеулерді дамыту және инновациялық емдеу әдістерін енгізу мәселелеріне ерекше назар аударылды.
Тараптар медициналық білім, ғылым және бірлескен зерттеу жобалары саласындағы ынтымақтастықтың перспективаларын талқылады.
