2025 жылғы 11–14 қыркүйек аралығында Сеул қаласында Корея Жүрек жеткіліксіздігі қоғамының (KSHF) 22-ші жыл сайынғы ғылыми конференциясы — Heart Failure Seoul 2025 (HF Seoul 2025) өтті.
Конференция Clinical Trials in Heart Failure Course (CTC Asia 2025)-пен бірлесіп ұйымдастырылып, Еуропалық кардиологтар қоғамының (ESC) Жүрек жеткіліксіздігі ассоциациясының (HFA) қатысуымен өтті. Бұл іс-шараның жоғары халықаралық мәртебесін айғақтайды.
Ұлттық ғылыми медициналық орталығынан дәрігер-кардиохирург Жунусов Ануар Жанатұлы кардиохирургиялық науқастардағы жүрек жеткіліксіздігіне арналған баяндамасын ұсынып, ол халықаралық әріптестер тарапынан зор қызығушылық тудырды.
Мұндай іс-шараларға қатысу ғылыми ынтымақтастықты нығайтуға және жүрек жеткіліксіздігін емдеудің заманауи тәсілдерін ілгерілетуге ықпал етеді.
