Әзірбайжан астанасында нейрохирургтардың алғашқы Халықаралық конгресі өтті. Конгресстің негізгі мақсаты - нейрохирургия саласындағы халықаралық стандарттарға сәйкес емдеу әдістерін талқылау және клиникалық практикаға инновациялық технологияларды енгізу болды.
Конгрессте нейрохирургия бөлімінің басшысы, профессор Серік Дүйсенбі баяндама жасады. Өз сөзінде ол отандық нейрохирургия мектебінің тәжірибесімен бөлісіп, күрделі нейрохирургиялық патологияларды емдеуде заманауи тың әдістерді қолданудың нәтижелерін ұсынды.
Нәтижесінде конференция алқасының және нейрохирургия саласындағы халықаралық танымал мамандардың алғысына ие болып, отандық медицинаның халықаралық деңгейдегі беделін арттыруға өз үлесін қосты.
