Ұлттық ғылыми медициналық орталық ашылған 2001 жылдан бастап Рябушева Лидия Александровна хирургиялық бөлімнің медбикесі болып жұмыс істеді. Бүгін ол 44 жылға созылған мінсіз еңбегінен кейін зейнеткерлік демалысқа шығып жатыр.
Лидия Александровна 1959 жылы дүниеге келген. 1981 жылы Целиноград теміржол медицина училищесін тәмамдап, еңбек жолын Жол ауруханасының хирургия бөлімінде палаталық медбике ретінде бастады.
1986–1987 жылдары ол онкология бөлімінің жұмысын ұйымдастырып, аға медбике ретінде қызмет етті. 1987 жылы хирургия бөліміне оралып, 1990 жылдан бастап ресми түрде аға медбике болып тағайындалды.
Бүгін таңертең Орталық ұжымы Лидия Александровнаны құрметпен және шынайы алғысын білдіре отырып, зейнетке шығарып салдық.
Оның кәсібилігі мен жауапкершілігінің арқасында хирургия бөлімінің мейіргерлік жұмысы әрқашан жоғары деңгейден көрінді.
Лидия Александровнаға мамандығына адалдығы, медициналық орталықты дамытуға қосқан баға жетпес үлесі және көпжылдық адал еңбегі үшін терең алғысымызды білдіреміз.
Зейнетке шыққан құрметті маманға мықты денсаулық, бақыт және амандық-саулық тілейміз!
