Қазақстанда 12 сәуір күні Ғылым қызметкерлері күні атап өтіледі. Бұл күн кездейсоқ таңдалған жоқ — дәл осы күні көрнекті қазақстандық ғалым, академик Қаныш Имантайұлы Сәтбаев дүниеге келген.
Әлемде ғылым — мемлекеттердің дамуының негізгі қозғаушы күші. Қазақстан ғылымы көптеген есімдер мен жаңалықтарға бай, ал бүгінгі ғалымдар өздерінен бұрынғы буынның еңбегін лайықты жалғастырып, ел дамуына елеулі үлес қосып келеді.
Ұлттық ғылыми медициналық орталық үшін Ғылым қызметкерлері күні — жай ғана күнтізбедегі атаулы күн емес. Бұл — батыл ғылыми идеяларды адам өмірін сақтауға айналдыратын күнделікті тынымсыз еңбек. Орталықта ғылым қызметкері болу — үздіксіз даму, алға ұмтылу және кемелдікке жетуге деген тұрақты талпыныс.
Орталық қызметкерлері жыл сайын ондаған ғылыми еңбектер жариялайды. Бүгінгі таңда Scopus дерекқорында трансплантология, жасушалық терапия, ішкі аурулар мен хирургия саласындағы ең күрделі мәселелерге арналған 250-ден астам мақала бар.
Тек 2025 жылдың өзінде 26 мақала жарияланды, олардың ішінде:
- 20 — импакт-факторы бар рецензияланатын журналдарда (Scopus),
- 11 — шетелдік басылымдарда,
- 9 — қазақстандық журналдарда,
- 6 — ҚР Ғылым және жоғары білім саласындағы сапаны қамтамасыз ету комитеті ұсынған журналдарда.
Қазіргі уақытта Орталық қызметкерлері ауқымды ғылыми жобаларды жүзеге асыруда:
- созылмалы және әлеуметтік маңызы бар ауруларды емдеуге арналған жасушалық өнімдерді әзірлеудің инновациялық тәсілдеріне бағытталған 1 ғылыми-техникалық бағдарлама (нысаналы қаржыландыру шеңберінде);
- гранттық қаржыландыру аясындағы 4 ғылыми жоба.
Орталықтың ғылыми жетістіктерінің мінбері — Scopus халықаралық дерекқорына енген жеке басылымы Journal of Clinical Medicine of Kazakhstan (Q4). Журнал DOAJ, Index Copernicus және Google Scholar жүйелерінде индекстеледі және ғылыми зерттеулердің негізгі нәтижелерін жариялау үшін ҚР ҒЖБСҚК тарапынан ұсынылған.
Ғылым қызметкерлері күні құтты болсын!
Әрбір ғылыми гипотеза дәлелін тауып, әрбір жоба адамдардың денсаулығы мен амандығына қызмет ететін ең қымбат нәтижені әкелсін.
